ID 2487 IKT-konsulent innan drift, informasjonssikkerheit og beredskap - IKT eininga

Stord kommune er avhengig av sikre og stabile digitale løysingar for å levere gode tenester til innbyggjarane. Kommunen behandlar store mengder personopplysningar innan mellom anna helse og omsorg, barnevern, PPT, skule og administrative tenester.

Det er ledig fast 100% stilling som IKT-konsulent innan drift, informasjonssikkerheit og beredskap

Støtteeining IKT har ansvar for drift, vedlikehald og utvikling av kommunen si digitale plattform. Du vert del av eit erfarent IKT-team der me legg vekt på samarbeid, kunnskapsdeling og felles ansvar. Du får sjølvstendige ansvarsområde, men står ikkje åleine om oppgåvene.

Arbeids- og ansvarsområde:

• Delta i operativ drift, herding og handtering av driftsavbrot og sikkerheitshendingar.

• Forvalte backup og gjenoppretting, gjennomføre testar og følgje opp avvik.

• Vedlikehalde IKT-beredskapsplan, tiltakskort og rutinar, og gjennomføre beredskapsøvingar.

• Gjennomføre og følgje opp ROS-analysar, DPIA-ar og databehandlaravtalar.

• Utarbeide og halde ved like rutinar, teknisk dokumentasjon og tiltakskort.

• Følgje opp leverandørar og sikkerheitskrav til skytenester.

Ønska kvalifikasjonar:

• Relevant utdanning innan IKT, informasjonssikkerheit, datakommunikasjon eller tilsvarande. Relevant erfaring kan kompensere for utdanningskravet.

• Erfaring med IKT-drift, Microsoft 365, Entra ID og skybaserte tenester.

• Kunnskap om backup, gjenoppretting, kontinuitet og IKT-beredskap.

• Kjennskap til informasjonssikkerheit, personvern, ROS-analysar og DPIA.

• Erfaring med leverandøroppfølging og vurdering av sikkerheitskrav er ønskjeleg.

• God skriftleg og munnleg framstillingsevne på norsk.

• Evne til å arbeide sjølvstendig, strukturert og praktisk, og samarbeide godt med kollegaer, fagmiljø og leverandørar.

• Erfaring frå kommunal eller annan offentleg verksemd er ein fordel.

Me kan tilby:

• Varierte og meiningsfulle arbeidsoppgåver i eit tverrfagleg fagmiljø

• Eit godt arbeidsmiljø i eit erfarent team med samarbeid, kunnskapsdeling og felles ansvar

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar m.m.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Nærare opplysingar hos einingsleiar Gisle Østrem, tlf 97552005

Om arbeidsgiveren:

Stord kommune er ein stolt industrikommune i Vestland med over 19 000 innbyggjarar. Me er ein <<liten by for det heilt store>>! Her er stor og variert aktivitet både i arbeidsliv, kulturliv og frivillig sektor. Stord kommune ligg sentralt mellom Bergen og Stavanger og er kommunikasjons- og regionsenter i Sunnhordland. Kommunen er ein kompakt vekstkommune som legg til rette for framtidas næringsliv, heiar på samskaping og samarbeid, satsar på inkluderande fellesskap og grøn byutvikling, og ynskjer å forvalta våre natur- og friluftsområde og den nære strandsona til beste for fellesskapet.